الايطالية نيوز - أكدت إنجي حامد حدوث عملية اعتقال أختها الصحفية آية حامد بسبب كشفها لحقائق تتعلق باغتصاب طالبة جامعية داخل الحرم الجامعي بمدينة أسيوط بينما تراجع دروسها في حديقة الجامعة. وقالت الصحفية آية حامد، التي اعتقلها البوليس النظامي المصري، وقت عصر اليوم، : "الكل بيتداول القصه الموجوده في اول صوره ان البنت تم خطفها من داخل الجامعه وتم اغتصابها
ودي مش القصه الحقيقيه
مع كامل اعتذاري ليكوا اني هقولكوا القصه الحقيقيه ابشع من دي بمراحل
بنت قاعده في المدينه الجامعيه التابعه لكليه الازهر بمحافظه اسيوط كانت قاعده بتذاكر في جنينه المدينه حوالي الساعه 6، مساء (حسب التوقيت المحلي)
تم سماع صوت صراخ واستغاثه مستمره
بعد الارتباك والبحث علي مصدر الصراخ تم تحديد المكان انه من الزرع اللي داخل المدينه الجامعيه
عند التوجهه شافوا شخص بينط من علي سور المدينه اللي قدامكوا في تاني صوره
(اه والله ده سور مدينه جامعيه اللي بيسكنها بنات!!
تم العثور علي البنت وهي مرميه في الارض وهدومها مقطعه وباين بالنظر انها تم اغتصبها
اتصلوا بالشرطه وجت واثبتت حاله ان البنت اغتصبت وانها شبه فاقده الوعي
لكن كانت المفاجأه بعد نقل البنت لاقرب مستشفي ان البنت ميته اثر نزيف حاد وهبوط في الدوره الدمويه
مين بقا كان شاهد علي الواقعه دي ؟
بنات المدينه اللي سمعوا الصراخ
وكهربائي كان وقتها بيقوم بتصليح انوار المدينه الجامعيه وهو اول من سمع صراخ البنت
مين تاني شاهد علي الواقعه ؟
دكتور بيدرس جوه اسمه سيد حسن الازهري الوحيد اللي عبر عن غضبه ببوست علي الفيس بوك اللي بعد كده تم حذفه بعد تعليمات من الجامعه وتغيير اقوال الكهربائي
هل جامعه الازهر تقف معلنه عن حادثه البنت والبحث عن حقها وعن المرتكب ؟
لا خالص قامت الجامعه بتهديد كل طلاب المدينه بالفصل والسجن اذا حد فيهم فتح بوقه واتكلم
المدينه الجامعيه الازهريه المحترمه بزياده بتأجر الاراضي الازراعيه اللي جوه المدينه
متخيلين الجمله ابعادها ايه ؟
يعني في رجاله وعمال داخله طالعه جوه المدينه بدون اي امن يقولهم ليلتكوا بيضا
مفيش كاميرات في المدينه
مفيش اسوار عليها سلك شائك
مفيش وحدات تأمين
مفيش خصوصيه للمدينه
مفيش حفاظ علي اعراض البنات
ده لو قولنا ان الفاعل مش من العمال اللي بيدخلوا للاراضي الزراعيه ومفترضناش ان الفاعل من جوه المدينه ذات نفسها
في نهايه اكتشاف الحادثه موقف الاهل كان ايه ؟
كان السكوت والتستر علي الجريمه بغرض انهم بيستروا علي عرض البنت
علي اساس انها مشت في الحرام واتضحك عليها مش ضحيه اغتصاب بريئه
يا دكتور ياللي مسحت البوست ويا اهل البنت المسكينه
كلكوا مذنبين وبلا شرف ويجب محاسبتكوا لانكوا لا تمتوا بالانسانيه بأي صله
شرف البنات فين يا ازهر يا متدين ياللي تبع قال الله والرسول ؟
لما جامعه الدين يحصل في بناتها كده
الجامعات التانيه هيحصل فيها ايه ؟
يا كل الاهالي اللي بناتهم قاعدين في مدينه جامعه الازهر بأسيوط بناتكوا ممكن ميرجعوش تاني لحضنكوا
جاري التحقيق عن الواقعه ومش هسكت لو كل الدنيا سكتت حتي اهلها .
#امنعوا_بناتكوا_من_جامعه_الازهر
#اهمال_جامعه_الازهر_بأسيوط".
